Litt om Kvingo - kven me er og kva me har - kva me tilbyr og kva me ynskjer
Kvingebygda er ei bygd i Masfjorden med nærleik både til sjøen, fjella og Knarvik - Bergen. Bygda ligg rundt Kvingevågen som er ein liten sidefjord til Austfjorden som ligg innafor Fensfjorden. For meir informasjon og bilete frå Kvingo gå til "Kvinge.biz" som ligg under "Lenkjer".
Eg, Bjørn Rune Kvinge, er byggmeister. I tillegg til fast arbeid tek eg oppdrag gjennom byggmeisterfirma med teikning, prosjektering og byggemelding. Driv også verdi- og skadetaksering av eigedom.
Gift med Else Haugland som arbeider i omsorgsyrket. Me eig i lag eit småbruk på Kvingo der me no har bygd oss hus. Før jul i 2009 flytta me inn og her trivest me godt. Rundt juletider 2010 fekk me naboar her på Kalvberget, Kariann og Marcel flytta inn i hus nummer to og dei har nyleg fått barn nummer to. I haust gjorde Somsri og Svein Bjarte klar grunnmuren til sitt nye hus. Som dere ser har me allereie mange kjekke naboar og her er plass til mange fleire.
Flotte hustomtar på Kvingo
I kommuneplanen er området på Kalvberget avsatt til spreidt bustadbygging utan krav til regulering. Det er arbeid i gang med ny kommuneplan og det kan sjå ut som at det vert stilt krav til at det må utarbeidast reguleringsplan for feltet. Dette vil bli gjort når me veit kva krav som vert stilt. Tomteområdet viser i "gullring" på bilete i toppen på framsida. Me vil tilby store tomtar og terrenget er slik at det vert god utsikt fra alle tomtane. I "fotogalleriet" er det ei mappe med bilder som viser området og utsikt fra tomtane.
BÃ¥tplassar
Å komme seg på sjøen vil være viktig for mange av dei som buset seg her. I rullert kommuneplan som er under arbeid no er det for Kvingebakken forslag til naustområdet på land og småbåtanlegg i sjøen. Her er målesettinga å tilrettelegge slik at alle med hus/fritidshus på Kvingebakken og kanskje Kvingo elles trygt skal kunna ha / oppbevare båt både på sjøen og på land.Prosjektering
Spesielt for dei som kjøper tomt hjå oss og har interesse av eit hus spesielt tilpassa tomten og naturen rundt vil eg gjerne bidra med teikning og planlegging. Som referanse vil eg visa vårt eige hus som det no er godt to år sidan me flytta inn i. Bileter er å finna i "Fotogalleri".
Else og Bjørn Rune
